Në korrik, Gjykata e Lartë pritet të nisë shqyrtimin e dosjes së ish-ministrit të brendshëm, Saimir Tahiri.
Në këtë gjykatë është përcaktuar relatori i ri i çështjes, i cili do të jetë ish-kreu i Gjykatës së Krimeve të Rënda, Sandër Simoni.
Kujtojmë se ish-ministri Saimir Tahiri u dënua nga Krimet e Rënda për shpërdorim detyre me 3 vite shërbim prove, ndërsa Apeli i posaçëm e prishi vendimin dhe e ktheu për rigjykim në shkallën e parë.
Çështja në Gjykatën e Lartë përfundoi pasi Tahiri bëri rekurs kundër vendimit për të nisur rigjykimin në shkallën e parë, pas dënimit me tre vite shërbim prove nga Krimet e Rënda.
Tahiri u akuzua për tre vepra të rënda penale “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, në kuadër të dosjes ‘Habilaj’.