Lulzim Basha është shpallur zyrtarisht fitues në garën për kryetarin e PD, duke fituar mandatin e tretë. Lideri aktual i PD do të jetë në krye të partisë më të madhe opozitare edhe për 4 vitet e ardhshme.
“Komisioni Zgjedhor i PD ka përmbyllur procesverbalin e rezultatit përfundimtar zyrtar. Kemi administruar 76 kuti. Janë regjistruar të dhënat e dokumentuara në procesverbale. Rezulton që në të gjitha rastet komisionerët kanë firmosur dhe përfaqësuesit e kandidatëve në garë.
Bazuar në të dhënat zyrtare, nga 75 mijë anëtarë kanë votuar 41 mijë e 97 anëtarë. 413 vota të pavlefshme.”, tha kreu i Komisionit Zgjedhor në PD, Jemin Gjana.
Rezultati
Fatbardh Kadilli: 781 vota
Edit Harxhi: 983 vota
Agron Shehaj: 6038 vota
Lulzim Basha: 32882 vota
