Një bombul gazi ka shpërthyer në orën 20:00 në rrugën “Ali Kelmendi” në Tiranë.
Policia bën me dije se për pasojë janë dëmtuar lehtë nënë e bir, Z. Sh dhe R. Sh.
Mësohet se ata janë dërguar në spital për të marrë ndihmë mjekësore. Zjarrfikësit kanë evakuuar edhe banorët e pallatit për të mos rrezikuar asfiksi.
Njoftimi i plotë
Me datë 30.06.2021, rreth orës 20:00, në rrugën “Ali Kelmendi” ka plasur një bombul gazi në banesën e shtetases Z. Sh. Si pasojë janë dëmtuar lehtë shtetasit Z. Sh dhe R. Sh (nënë e bir) të cilët u dërguan në spital, për të marrë ndihmë mjekësore.
Grupi hetimor po punon për sqarimin e rrethanave të ngjarjes.