Një mesazh kërcënues u shfaq mes luleve të lëna në parkingun e qendrës tregtare La Favorita në Mantua të Italisë ku ndodhi rrahja brutale e 23-vjeçarit shqiptar Atilio Ndrekaj, i cili nuk mbijetoi dot
Në letër shkruhej: “Gjaku lahet me gjak”!
Ngjarja e rëndë ndodhi midis të enjtes dhe të premtes së kaluar, ku shqiptari 23-vjeçar bashkë me italianin Pierfrancesco Ferrari, 35 vjeç i cili është ende në koma u rrahën me shkopinj bejsbolli dhe shufra hekuri.
Ata ishin thirrur në telefon në 3:00 të natës, për tu takuar, por më pas një grup prej të paktën 7 personash i kishte sulmuar brutalisht. Mediat italiane shkruajnë se mesazhi që u gjet ka të bëjë me kanunin në Shqipëri dhe këto rregulla përdoren edhe nga bandat shqiptare.
