Pas goditjeve të bujshme nga ana e SPAK ndaj zyrtarëve shtetërorë, tashmë është rradha e prokurorisë së Elbasanit.
20 zyrtarë shtetëror, mes tyre dhe policë bashkiak, punonjës të bashkisë dhe njësive administrative dhe efektivë të policisë me detyrë monitorimin e territorit për parandalimin e kultivimit të lëndëve narkotike janë nën hetim nga prokuroria e Elbasanit dhe SHÇBA.
Nga burimet për Panorama.al mësohet se hetimet janë në fazën finale dhe se në ditët e ardhshme mund të ketë arrestime për këtë çështje.
Sipas informacioneve, hetimet për këto zyrtarë ka zgjatur për rreth 3 muaj. Janë administruar prova se zyrtarë të lartë kanë mbështetur trafikantët e lëndëve narkotike për të kultivuar në 7 bashkitë e Elbasanit.
Këta punonjës të administratës shtetërore, nuk kanë sinjalizuar në shumë raste për parcelat e mbjellura me bimë narkotike në qarkun e Elbasanit, një pjesë e së cilave është shkatërruar dhe po punohet për arrestimin e përgjegjësve.
