Prokuroria ka marrë një tjetër vendim sa i përket hetimit të vdekjes së mistershme të katër shtetasve rusë një javë më parë në zonën e Qerretit të Kavajës
Mësohet se prokuroria i është drejtuar me një kërkesë një kompanie të huaj për të kryer analizat e ujit të pishinës. Mësohet se prokuroria ka bllokuar pjesën e SPA-së së hotelit. Ajo ruhet nga efektivë të policisë. Ndërkohë nuk kanë dalë ende rezultatet e klorit dhe të ujit që janë përdorur në këtë SPA. Këto analiza janë vendimtare ndërsa pritet dhe një ekspertizë shtesë nga shteti rus
Trupat e katër shtetasve rusë u gjetën në saunën e hotelit “Gloria Palace”në Qerret.
Nga raportet paraprake dyshohet se vdekja e tyre ka ardhur nga asfiksimi, por nuk përjashtohen edhe pista të tjer. Viktimat ishin çifti i bashkëshortëve Natalya Burenkova, 58 vjeç dhe Sergei Burenkov, 60 vjeç si dhe vajza e tyre Ekaterina Burenkova 31 vjeç me bashkëshortin e saj Nikita Belousov, 37 vjeç.
Më 22 tetor familjarët tërhoqën trupat e pajetë të 4 turistëve rusë.
