Një juri federale në SHBA ka vendosur që Eddie Bolden nga Chicago të dëmshpërblehej me 25 milionë dollarë, pasi kaloi 22 vite burg për një krim që nuk e kreu.
Eddie Bolden u dënua për dy vrasje të kryera në vitin 1994 për të cilat policia kishte pretenduar se një marrëveshje droge kishte shkuar keq, por padia pretendonte se detektivët e konsideruan atë si të dyshuar dhe injoruan dëshmitarët që thanë se ai ishte brenda një restoranti gjatë vrasjeve.
“Ky verdikt është një shfajësim total dhe i plotë i Eddie Bolden,” tha avokati kryesor i tij.
Juristët urdhëruan gjithashtu dy efektivë policie që t’i paguanin Bolden 100 mijë dollarë.
Më 29 janar 1994, Irving Clayton dhe Derrick Frazier u gjetën të qëlluar për vdekje në një makinë të djegur.
Disa dëshmitarë pohuan se Bolden ishte brenda një restoranti peshku në kohën e të shtënave, sipas CBS Chicago.
Por vëllai i njërit prej viktimave, i cili gjithashtu mbeti i plagosur nga të shtënat, e identifikoi Bolden në stacionin e policisë si vrasës, sipas Chicago Tribune.
Ai u dënua me burgim të përjetshëm, por në vitin 2016 gjykatësi urdhëroi një gjyq të ri dhe Bolden u la i lirë.
