Kroacia është në kulmin e valës së katërt të pandemisë. Këtë e tregojnë shifrat. Në 24 orët e fundit Kroacia regjistron një rekord negativ ditor me 4 573 raste të reja dhe 41 vdekje nga COVID.
Numri i viktimave dhe rasteve të rënda mbetet megjithatë dukshëm më i ulët se rekordet e dhjetorit në vitin 2020 kur kishte 97 vdekje në një ditë.
Megjithatë kjo valë e katërt të pandemisë po i afrohet shifrave të dhjetorit 2020. Por pavarësisht përkeqësimit të situatës shëndetësore, qeveria ka përjashtuar çdo lloj të ri bllokimi dhe kufizimesh.
Deri më tani vetëm 56 për qind e të rriturve e kanë përfunduar ciklin e vaksinimit, e barabartë me 47 për qind të të gjithë popullsisë së katër milionë banorëve.