Një aksident i rëndë i ka marrë jetën dy personave në Tiranë. Ngjarja ka ndodhur në kryqëzimin e “21 dhjetorit”, ku dy automjete janë përplasur me njëra-tejtren
Sipas policisë nga aksidenti ka humbur jetën drejtuesi i njërit prej mjeteve dhe njëri nga pasagjerët.
Policia po punon për zbardhjen e rrethanave të aksidentit tragjik.
Tiranë/Informacion paraprak
Me datë 11.11.2021, rreth orës 03:20, në kryqëzimin “21 Dhjetori”, janë përfshirë në një aksident mjeti me drejtues shtetasin E. D., 30 vjeç dhe mjeti me drejtues shtetasin L. C.
Si pasojë e përplasjes ka ndërruar jetë drejtuesi i mjetit, shtetasi L. C., dhe njëri nga pasagjerët, shtetasi A. B., 69 vjeç.
Grupi hetimor ndodhet në vendngjarje për sqarimin e rrethanave të aksidentit.
