Presidenti Ilir Meta do të dalë sot në një konferencë për mediat
Teksa ende nuk dihet se për çfarë do të flasë kreu i shtetit, është parashikuar që konferenca të nisë në orën 17:30 në ambientet e Presidencës.
“Të dashur kolegë gazetarë,
Sot në ora 17:30, Presidenti i Republikës Sh.T.Z Ilir Meta ju fton të gjithëve në një konferencë për mediat, në ambientet e Institucionit të Presidentit.”, njofton zëdhënësi i Presidencës, Tedi Blushi.
Kujtojmë se sot Prokuroria e Posaçme kërkoi pushimin e çështjes në gjykatë që lidhet me padinë e Metës për ish-kreun e KED, Ardian Dvoranit.
Po ashtu një tjetër çështje me rëndësi që pritet të komentohet nga Meta është dhe vendimi i Gjykatës Kushtetuese për 30 qershorin, ndërsa pritet që ai të shpallë edhe datën e zgjedhjeve të reja.
