Një nga pasagjerët që ishte në autobusin që u aksidentua në Krushevc të Serbisë ka treguar momentet e tmerrit.
Ai u shpreh se në kohën kur ndodhi aksidenti ishin të gjithë në gjumë. Sipas tij, reagimi i organeve të rendit të shtetit serb ka qenë i shpejt.
“Ka ardhur një autobus tjetër për të na marrë. Të gjithë kemi qenë duke fjetur në atë moment. Mes nesh ka pasur edhe fëmijë dhe një person me aftësi të kufizuara, por të gjithë jemi mobilizuar për t’i ndihmuar njëri-tjetrit dhe të gjithë jemi mirë”, tha udhëtari.
Nga aksidenti raportohet se kanë mbetur të plagosur nëntë persona, të cilët janë jashtë rrezikut për jetën.
