Presidenti turk Rexhep Tajip Erdogan ka zhvilluar ditën e sotme gjatë një bisede telefonike me homologun e tij ukrainas Volodymyr Zelensky.
Bëhet me dije se Erdogan ka parë të arsyeshme evakuimin e civilëve nga qyteti i rrethuar i Mariupolit.
Mësohet gjithashtu se Erdogan i tha Zelenskyt se duhet të organizohet një evakuim për të lënduarit dhe civilët nga Mariupol, ku situata po bëhet çdo ditë e më e trishtuar.
Në një postim në Twitter të dielën, Zelensky tha se në prag të telefonatës së Erdoganit me presidentin rus Vladimir Putin, ai i theksoi liderit turk nevojën për evakuim të menjëhershëm të civilëve nga Mariupol, përfshirë Azovstal, dhe shkëmbim të menjëhershëm të trupave të bllokuara.
Vërejtjet e dy liderëve i bëjnë jehonë thirrjeve të së dielës nga Komiteti Ndërkombëtar për Kryqin e Kuq që t’i jepet qasje e menjëhershme dhe e papenguar humanitare në Mariupol, në mënyrë që të mund të bëhet evakuimi vullnetar i civilëve.
Turqia ka ofruar më parë evakuimin e njerëzve të bllokuar në qytetin e rrethuar me anije. Ministri turk i Mbrojtjes Hulusi Akar u tha gazetarëve në fillim të prillit se vendi mund të sigurojë mbështetje anijesh për evakuimet nga Mariupol.
Të dielën, Erdogan përsëriti gatishmërinë e Turqisë për të ofruar çdo ndihmë të nevojshme në procesin e negociatave midis Rusisë dhe Ukrainës, duke pohuar se ai ka një pikëpamje pozitive për çështjen e garancive.
Zelensky tha se ai ngriti gjithashtu çështje në lidhje me aftësitë mbrojtëse dhe sigurinë globale të ushqimit të Ukrainës, duke theksuar kërcënimin e paraqitur nga bllokada e lundrimit në Detin e Zi.
