Deputetët e Partisë Demokratike dakordësuan sot që të zhvillojnë një tjetër mbledhje të grupit parlamentar të hënën (9 maj) ku do të diskutohet procesi për zgjedhjen e Presidentit të ri.
Siç e deklaroi edhe kryetari i grupit parlamentar Enkelejd Alibeaj në një deklaratë për mediat, deputetëve u është lënë detyrë që deri të dielën të propozojnë kriteret e zgjedhës së Presidentit të ri dhe rregullat e procedurës që do ndiqet.
Gazetari i Panorama.al, Maringlen Kume bën të ditur se pas marrjes së propozimeve, kryetari i grupit parlamentar, Enkelejd Alibeaj do t’i përmbledhë qëndrimet dhe më pas ato do diskutohen në mbledhjen e së hënës.