Detaje të reja janë bërë me dije nga ngjarja e rëndë në Shkodër, ku një 10-vjeçar humbi jetën.
Sipas Policisë bëhet me dije se i mituri është qëlluar aksidentalisht me armë zjarri nga xhaxhai i tij i identifikuar si Vlash Jakaj, ndërsa ky i fundit ka qenë duke pastruar armën. Për pasojë nipi ka ndërruar jetë për shkak të plagëve të rënda që mori.
Xhaxhai i 10-vjeçarit është dëmtuar në dorë nga arma e gjahut dhe ndodhet jashtë rrezikut për jetën.
Postimi i Policisë:
Shkodër/Informacion paraprak
Më datë 09.08.2022, rreth orës 21:55, në fshatin Samrisht, Shkodër, nga të dhënat paraprake dyshohet se aksidentalisht duke pastruar çiften, shtetasi V.J, 68 vjec, ka vrarë me armën e gjahut nipin e tij B.J, rreth 10 vjeç.
Nga e shtëna aksidentale është plagosur në dorë dhe vetë shtetasi V.J. jashtë rrezilit për jetën.
Në vendngjarje po shkon grupi hetimor, nën drejtimin e Prokurorisë, për kryerjen e veprimeve dhe zbardhjen e plotë të rrethanave të ngjarjes.
