Ai njihej për rolin e tij në serialet më të njohura turke si “Fatet e Kryqëzuara”, “Fatmagyl” e shumë të tjerë. Aktori Civan Canova ka ndërruar jetë në moshën 67-vjeçare ditën e premte (20 gusht).
Shkak i vdekjes ishte sëmundja e rëndë me të cilën ai kishte disa kohë që po e luftonte, ‘kancer në mushkëri’.
Civan publikoi në rrjetet sociale një video ku tregoi për fansat e tij se në mushkëri i është konstatuar një masë e pasigurt. “Lajmi që do t’ju jap nuk është i mirë, por ndihem i detyruar ta jap”- u shpreh aktori.
“3 muaj më parë, fillova të kisha dhimbje të tmerrshme. Mjaft për të më mbajtur zgjuar natën. Erdha në spital dhe bëra një MRI. Gjatë marrjes së rrezeve u konstatua se kishte një masë të papërcaktuar. Kam 15 ditë në spital. Familja ime është me mua”, shkroi aktori më parë.
Miq dhe të afërm të aktorit kanë shprehur pikëllimin e tyre në rrjetet sociale