Letonia ka rrëzuar një monument 260 këmbë, të ngritur gjatë epokës sovjetike për ‘të mbyllur një faqe tjetër të dhimbshme të historisë.’
I ndërtuar në vitin 1985 obelisku përkujtonte fitoren e Ushtrisë sovjetike ndaj nazistëve dhe ishte vendosur në Parkun e Fitores të Rigës.
Heqja e tij u transmetua drejtpërsëdrejti në mediat letoneze të enjten.
‘Letonia heq një nga simbolet e okupimit sovjetik në Riga. Mbyllja e një faqeje tjetër të dhimbshme të historisë dhe kërkimit për një të ardhme më të mirë’ tha ministri i jashtëm letonez Edgars Rinkēvičs në një postim në Twitter të enjten.
Monumenti përbëhej nga një strukturë 260 këmbë (79metra) i zbukuruar me pesë yje të artë, secili simbolizonte një vit të Luftës së Dytë Botërore.
Obelisku ishte i rrethuar nga të dyja anët nga një statujë bronzi e tre ushtarëve dhe një statujë e një gruaje që përfaqësonte ‘’mëmëdheun.’’
Në qershor, Parlamenti Letonez njoftoi në një deklaratë për shtyp se kishte miratuar një ligj që ‘parashikonte çmontimin e vendeve që lavdërojnë regjimet sovjetike dhe naziste, duke përfshirë Monumentin për ushtarë sovjetikë – Çlirimtarët e Letonisë Sovjetike dhe Rigës nga gjermanët. Pushtuesit Fashistë në Parkun e Fitores në Riga”.
Ligji u jepte bashkive përkatëse diskrecionin për të iniciuar çmontimin “pavarësisht pronësisë së truallit dhe tokës në të cilën ndodhet”.
“Qëllimi i ligjit është të parandalojë denigrimin dhe kërcënimin e vlerave të Letonisë si një demokraci dhe shtet kombëtar, si dhe të shprehë një qëndrim dënues kundër pushtetit të paligjshëm pushtues, politikave dhe krimeve të BRSS dhe Gjermania naziste”, thuhet në njoftimin për shtyp.
