Sesa bujarë dhe të gatshëm jeni për të ndihmuar të tjerët, varet dhe nga sa mirë flini gjatë natës, thonë shkencëtarët amerikane
Një studim i ri lidh altruizmin dhe bujarinë me sasinë dhe cilësinë e gjumit si në nivel individual, ashtu edhe në atë shoqëror. Me fjalë të tjera, nëse një shoqëri fle gjithnjë e më pak gjatë natës, ajo gradualisht bëhet më egoiste, sipas hulumtimit të ri.
Në vendet e zhvilluara më shumë se gjysma e njerëzve raportojnë se nuk flenë mjaftueshëm gjatë javës. Mungesa e gjumit është shoqëruar, ndër të tjera, me rritjen e rrezikut për sëmundje kardiovaskulare, depresion, diabeti, hipertension dhe vdekje të parakohshme në përgjithësi.
Kësaj liste i duhet shtuar ndoshta mungesa e bujarisë, jo vetëm e një njeriu, por e një vendi të tërë.
Studiuesit e Universitetit të Kalifornisë-Berkeley, të udhëhequr nga neuroshkencëtari Dr. Ettie Ben Simon dhe profesori i psikologjisë Matthew Walker, drejtor i Qendrës për Shkencën e Gjumit Njerëzor dhe autor i bestsellerit ndërkombëtar “Why We Sleep”, i cili bëri botimin përkatës në revista PLoS Biology, tregoi përmes tre eksperimenteve të ndryshme se njerëzit ngurrojnë t’u zgjasin dorën e ndihmës të tjerëve kur një natë më parë kanë pasur gjumë të keq ose të pamjaftueshëm.
