Pesë gola në 5 ndeshjet e fundit në La Liga, Vedat Muriqi është “pirati” i Majorkës. Bomberi shqiptar i Kosovës, shënoi golin e fitores në triumfin 1-0 që skuadra e tij arriti në shtëpi ndaj Atletikos së Madridit. Duket se Muriqi dhe Majorka janë një sinkron i vërtetë këtë sezon.
Me realizimin e sotëm, shqiptari i Kosovës u ngjit në vendin e dytë të në listën e golashënuesve, që kryesohet nga Levandovski.
Ndërkohë sipas kompanisë prestigjioze të statistikave “OPTA”, Vedat Muriqi me 5 golat në 5 ndeshjet e fundit, është sulmuesi më produktiv i momentit në 5 Top Ligat Europiane, për sa i përket golave të shënuar. Askush më mirë se Muriqi!
