Trazira në radhët e emigrantëve që synojnë Britaninë, përleshen me policinë franceze pasi….

Emigrantët të cilët synojnë kalimin drejt Britanisë së Madhe por që ende ndodhen në Francë kanë pasur një episod të dhunshëm me autoritetet e vendit ku ndodhen pasi i kanë gjuajtur me gurë.

Raportohet se reagimi i dhunshëm i emigrantëve ka ardhur pasi autoritetet franceze kanë dëmtuar gomonet me të cilat ata dyshohet se do të tentonin të kalonin Kanalin drejt Mbretërisë së Bashkuar.

Grupi u përlesh me policinë në fshatin Gravelines pranë Dunkirkut pasi qindra emigrantë u nisën drejt zonës të premten, ndërsa raportohet se oficerët vendas prenë dhe dëmtuan të paktën dy nga gomonet e tyre sipas GB Neës .

Të frustruar, emigrantët filluan të gjuanin gurë dhe degë pemësh mbi oficerët, të cilët u përgjigjën duke i spërkatur me sprajin e posaçëm për kontrollin e trazirave.

Mediat e huaja raportojnë se një numër i madh varkash të vogla pritet të nisen këtë fundjavë pasi moti i keq ndaloi të gjitha kalimet e kanaleve që nga 31 tetori.

Ndërhyrja e oficerëve francezë vjen pasi Mbretëria e Bashkuar ka rënë dakord të paguajë 60 milionë paundë shtesë për të ndihmuar autoritetet të forcojnë praninë e sigurisë përgjatë bregdetit francez.