Nga Rezenbrik SERJANI
Këto fjalë i shkojnë për shtat estradës dhe karagjozllëkut kryeministror, sikurse dhe trajtimit që kryetari i sektit ju bën takimeve, të përdorura kokë e këmbë në funksion të propagandës së tij.
Propagandë dhe vetëm Propagandë!
Këngë, valle, sharje autokratësh e skizoidësh, armiq imagjinar, fajin e kanë të tjerët, mosmarrje përgjegjësish, në rresht për një, lideri global, hungërima psikopatike, dhënie urdhrash, ishin fund e krye pjesë e të ashtuquajturave takime të kryetarit të sektit në Vlorë.
Si mburravec i sëmure, i binte gjoksit e kokës, për një Vlorë të Rilindur, nga ai dhe sekti i tij, por realiteti është klithës, realiteti i vërtetë i Vlorës së boshatisur, jashtë çdo filmimi pallatesh dhe vathësh shtrungëzimi që kryetari i sektit përdor në funksion të propagandës dhe terrorit psikologjik që ushtron ndaj kujtdo, vetëm e vetëm të permbushin tekat e tij psiqike.
Në një Vlorë krejt të boshatisur, dje regjimi fejsbukian i propagandës kryeministrore të sektit, buçiste për rilindje e transformime, dhe fatkeqësia më e madhe ishte se kushdo e cilido vriste e xhironte trurin e shplarë nga doktrinimi i sektit, se kush gjente e shpallte emrin më të madh që i shkonte për shtat udhëheqësit të sektit të tyre të mjerë.
Gjuha e tij e pështirë dhe e sëmurë meriton ndëshkimin më të madh popullor.
Vlora nuk është arena e talljeve të tij dhe e përdorimit të tij elektoral.
Varfëria, mjerimi, boshatisja, shpopullimi masiv i Vlorës, janë të vetmet transformime që sekti ka bërë ndaj këtij qyteti të bekuar nga Zoti.
