Një person i armatosur ka vrarë deri në 10 persona në një supermarket në Chesapeake, në shtetin amerikan të Virxhinias, thotë policia. BBC raporton se një burrë që besohet të jetë menaxheri i dyqanit hapi zjarr, më pas vrau edhe veten
Qyteti i Chesapeake shkroi në Twitter: “Policia konfirmon një incident aktiv të të shtënave me viktima në Walmart”
Ka pak detaje në lidhje me ngjarjen, por një oficer policie foli për jo më shumë se 10 persona të vrarë dhe shumë të plagosur. Nuk ka ende asnjë arsye.
Senatorja e shtetit të Virxhinias, Louise Lucas tha se ajo ishte “absolutisht zemërthyer” nga ajo që ajo e përshkroi si “të shtënat masive të fundit në Amerikë”.
“Nuk do të pushoj derisa të gjejmë zgjidhjet për t’i dhënë fund kësaj epidemie të dhunës me armë në vendin tonë”, shkroi ajo ne rrjetet sociale.
