Të nderuar bashkëqytetarë, demokratë dhe simpatizant të Partisë Demokratike, duke parë situatën në të cilën gjendet Bashkia Kamëz sot nën drejtimin e Rilindjes, si dhe në mungesë të një alternative përfaqësuese, unë kam vendosur të kandidoj për Bashkinë Kamëz për të ofruar për ju qytetarët e Kamzës në zgjedhjet e ardhëshme vendore, alternativën e Partisë Demokratike.
Një model të ri për drejtimin e bashkisë dhe në shërbim të banorëve të kësaj zone me të cilët kam lidhur jetën duke punuar e jetuar prej shumë vitesh.
Angazhimi im për Kamzën ka qenë paralelisht politikisht dhe profesionalisht. Politikisht që prej themelimit angazhim maksimal në Partinë Demokratike, që nga anëtar i thjeshtë e deri si kryetar i Këshillit Bashkiak nën siglën e PD. Ndërsa profesionalisht jeta ime është e lidhur me qytetarët e Kamzës duke iu shërbyer si mjek e drejtues i Qëndres Shëndetësore.
Unë jetoj në Kamëz dhe ndaj të njëjtat halle e probleme me ju bashkëqytetarët e mi dhe kjo më ka vendosur para përgjegjësisë për të qenë shërbyes i juaj si kryetar Bashkie, që Kamza dhe banorët e saj të kthejnë në duart e tyre pushtetin e vjedhur.
Me mirënjohje i juaji,
Doktor Bilbil Bajraktari.
