Në “Drejt” nga Luan Rama në RTV Ora, deputeti demokrat Edi Paloka u shpreh se me Partinë e Lirisë tashmë ka një marrëveshje ndërsa pritet edhe me partitë e tjera të opozitës.
Paloka tha se janë edhe bisedime me partitë e tjera të opozitës dhe se ata kanë futur emra në primaret e PD-së tashmë.
Paloka: Kemi një marrëveshje me Partinë e Lirisë, kurse me partitë e tjera kemi bërë bisedime jo forma dhe mendoj se do të arrijmë para zgjedhjeve në një aleancë me të gjithë partitë e opozitës. Disa prej këtyre partive e kanë shprehur qëndrimin e tyre dhe në fund na duhet një opozitë e bashkuar kundër një qeverie të tillë.
Ne kemi bërë bisedime para primareve dhe është rënë dakord me disa, që të mos kandidojë për krerë bashkie, por ka disa kandidatë që të jenë pjesë e primarëve, janë një numër i kufizuar. Ka edhe të partive aleate dhe të shoqërisë civile.
