Aksidenti me 57 viktima në Larisa të Greqisë ka bërë që në Athinë të shpërthejnë protesta, të cilat kanë degjeneruar edhe në përdorimin e dhunës.
Sipas mediave greke në sheshin “Sintagma” ka pasur përleshje mes protestuesve dhe forcave të policisë. Protestuesit kanë hedhur molotov drejt forcave të policisë, duke shkaktuar edhe dëme të konsiderueshme materiale, pasi janë djegur makina dhe biznese.
Nga sulmet janë plagosur 7 policë, të cilët janë dërguar në Spitalin e Përgjithshëm Ushtarak të Athinës.
