Ajo është shtëpia më e famshme në Shqipëri dhe padyshim që ngjarjet e krijuara në shtëpinë e Big Brother Vip Albania janë në qendër të vëmendjes. Banorët e BBV2 po përfliten kudo në rrjet, dhe janë kthyer në protagonistët e përditshmërisë sonë, duke transmetuar shumë emocione të forta teksa rrëfejnë historitë e tyre apo edhe gjatë përditshmërisë, konflikteve dhe raporteve me njëri-tjetrin.
Këtë javë në nominim kanë qenë Antoneta, Fotinia, Armaldo, Dea Mishel, Qetsori, Sabiani dhe Nita. Publiku ka vendosur se mes tyre, banori që duhet të largohet përfundimisht nga shtëpia është Sabiani.
Ditën e sotme në shtëpi ka hyrë një zarf i zi nga Vëllai i Madh, i cili do të lexohet gjatë “Prime-t” të sotëm. Sipas Oltës zarfi është për të dhe Qetsorin, pasi të dy ata kanë biseduar për nominimet edhe pse banorët e kanë kundërshtuar duke thënë se këtë rregull e kanë thyer të gjithë, Olta është e sigurt se ky zarf i zi është për ta. Olta i ka thënë Qetsorit se nëse ai eleminohet sonte edhe Olta do të largohet bashkë me të. Për këtë ajo i ka thënë se i jep premtimin edhe pse Qetsori nuk i ka besuar shumë fjalëve të saj.
