Duket se rrugëtimi i Leo Messit në Francë nuk do të jetë më i njëjti pas Kupës së Botës.Argjentinasi është vërshëllyer ditën e sotme nga tifozët që para nisjes së ndeshjes me Renne. Messi vazhdoi të luajë plot 90 minuta, por pavarësisht përpjekjeve të tij më të mira, parisienët humbën 2-0. Pas ndeshjes, shumica e lojtarëve të PSG-së qëndruan në fushë për të falënderuar tifozët, por argjentinasi iku më herët në dhomën e zhveshjes. Ndërkohë, PSG po përpiqet të bindë Messin që të nënshkruajë një kontratë të re, pasi kontrata e tij aktuale skadon në fund të sezonit.
Barcelona është e interesuar të rikthejë Leon në Camp Nou nëse financat e lejojnë këtë.
