“Momenti më i vështirë në karrierë ka qenë një ndeshje që vendosi sezonin, mes Kukësit dhe Skënderbeut. Me vendimmarrjet e mia atë kohe, u acaruan tifozët, por gjithçka është lënë pas tani më dhe besoj se gjithsecili duhet ta ketë kuptuar që nuk ka qenë Enea ai i asaj ndeshjeje”, u shpreh Enea Jorgji në një intervistë të dhënë për “Vizion Plus” një muaj më parë.
Nëse do t’i hedhim një sy ndeshjeve të muajit prill, që janë zhvilluar në Superiore dhe në Kupë, vihet re mungesa e gjyqtarit Enea Jorgji, i cili nuk ka qenë në asnjë prej tyre. Elbasanasi, i cili shpeshherë është protagonist për mirë apo edhe për keq me vendimet e tij, nuk ka gjykuar që prej datës 3 prill, kur në kryeqytet mbajti ndeshjen Dinamo-Korabi, e vlefshme për Kategorinë e Parë.
Në lidhje me situatën e pakuptimtë me Enea Jorgjin, foli edhe Redi Jupi, i cili në studion e “Procesit Sportiv” deklaroi shkurtimisht:
“I kanë çuar një mesazh Enea Jorgjit dhe i kanë thënë do të arbitrosh kur të gjesh veten”, u shpreh Jupi. PANORAMASPORT.AL
