Pas eliminimit nga Liga e Kampioneve, Partizani do të provojë të shkruajë historinë në Ligën e Konferencës ku përballë ka skuadrën e Atletik Klub Eskaldes. Të kuqtë luajnë në transfertën e Andorrës ndaj një kundërshtari jo të madh në letër.
Shorti është treguar bujar me Partizanin në Ligën e Konferencës, ndryshe nga Championsi që i vuri përballë BATE Borisovin. Kështu, në “Estadi Comunal”, të besuarit e Zekiç do të provojnë rezultatin pozitiv.
Sa i përket formacioneve, Zekiç vjen me rreshtimin 4-3-3 duke i dhënë një fanellë titullari Kocijan, afrimit të ri në merkato. Titullar e nis edhe Grezda ndërkohë që nga stoli do të jetë Taipi.
Formacionet:
ESKALDES: Grasia, Ferrer, Paez, Piloto, Sgro, Buharma, Morales, Aguero, Lopez, Abreu, Rabaso
TRAJNER: DANIEL LUQUE TENEDOR
PARTIZANI: Qirko, Atanaskoski, Sota, Hadroj, Murataj, Mehmeti, Rrapaj, Kocijan, Grezda, Cara, Mba
TRAJNER. ZORAN ZEKIÇ
