Moderatores së njohur shqiptare Alketa Vejsiu i ka ndodhur një situatë e papritur por edhe e pakëndshme në Zvicër, pasi është ndaluar për gati 1 orë në një stacion policor.
Vetë Alketa thotë se shkak është bërë pasaporta e saj, që e kishte harruar në çantën vajzës që nuk udhëtonte me të.
Ajo thotë se i është dashur të negociojë me 8 policë zviceranë që e quanin “ilegale”, por në fund ia ka dalë të marrë një leje qëndrimi të përkohëshme.
“1 orë në polici, në një stacion treni të Zvicrës, që s’do më bjerë rruga më në jetë besoj. Kisha harruar pasaportën në çantën e vajzës që nuk udhëtonte me mua…
Quhesha ilegale në Zvicër. E para herë që harroj pasaportën dhe ndodh në vendin më të saktë të botës.
Tani duhet dikush të më sjellë pashaportën këtu se nuk lëviz dot“, shkruan ajo në rrjetet sociale.
“Dikush të vijë këtu, se nuk lëviz dot” – Moderatorja e njohur shqiptare ndalohet nga policia në Zvicër, arsyeja do t’ju habisë
