Në një postim në profilin e saj në rrjetin social facebook, drejtuesja e grupit të këshilltarëve të PD-së në bashkinë Tiranë, Enriketa Papa, ka denoncuar gjendjen e mjerueshme dhe skandaloze të rrugëve në periferitë e Tiranës, duke u shprehur se Veliaj dhe skuadra e tij e propagandës fokusohen vetëm te “inaugurimi i ‘bizhuve të ndryshme’ dhe duke harruar të postojë foto llamburine, nga cepat dhe ‘periferitë’ e Tiranës, ku jetojnë me mijëra banorë.
Më poshtë postimi i plotë i Papës:
Në FB, kryetari i Bashkisë Tiranë, Veliaj poston inaugurime të “bizhuve” të ndryshme, si punëmbaruar që është. Por harron të postojë foto llamburine, nga cepat dhe “periferitë” e Tiranës ku jetojnë me mijëra banorë, të lënë pa infrastrukturë publike dhe në kushte mizerabël.
Dritat dhe prozhektoret e skuadrës mediatike të Veliaj, fokusohen te kryetari dhe “bizhutë” e tij, duke paraqitur një Tiranë të rremë nga realiteti, 1 km larg Bashkisë dhe bulevardit.
#fresk Njesia Administrative Nr12 #tirane
