Aktivitetet kulturore të Bashkise Kamëz per komunitetin nuk kane munguar, veçanërisht në raste festash ato kane qënë mjaft të pasura me program argëtues në funksion të qytetareve. Vëmendja e institucionit Bashki dhe kryebashkiakut Rakip Suli ka qenë e veçantë dhe së bashku me drejtorinë përkatese është mundesuar të bëhet më e mira që qytetarët të mbeten të kenaqur nga performanca në terren.
Drejtoria e kulturës në Bashkinë Kamëz “Artan Çuku” tashmë e ka kthyer në traditë këtë mini koncert për qytetarët e Paskuqanit, Bathores, Kamzës, Babrru, Laknas, Zallher, Zallmner me artistët më të njohur si Dardan Pepkolaj, Lirim Hoxha, e madhja Vera Laci, Fatjon Dervishi, Fatmir Toca të cilët kanë dhuruar mbrëmje muzikore për të gjithë dashamirësit e këngës qytetare e popullore.
Drejtoresha e kulturës Rigelsa Gupe shprehet e kënaqur që ky angazhim tashmë po kthehet në traditë duke e zgjeruar aktivitetin edhe në pedonalen e Bathores, një tjetër investim i kryetarit të bashkisë Z. Rakip Suli. Sukses i jashtëzakonshëm këtë mbrëmje buzë liqenit të Paskuqanit, në një pedonale mbushur me dashamirës, duke shijuar tingujt e muzikës së liqenit. Aktivitet dje pati edhe në Bathore ku kengetari i njohur Fatjon Dervishi mundi te argetojë qytetarët për disa orë. Kujtojmë që Fatjoni në rastet e tjera ka qenë pjese dhe e “Tingujve te Liqenit”.
