Barcelona është skuadra e parë që ka prerë një biletë për në gjysmëfinalen e Champions League.
Katalanasit e udhëhequr nga Lionel Messi kanë fituar me lehtësi 3-0 në “Camp Nou” përballë Manchester United.
Fillimisht në minutën e 16’ Messi rrëmben një top për të shënuar një supergol nga hyrja e zonës.
Pa kaluar 4 minuta ishte sërish argjentinasi që mposhti për herën e dytë De Gean i cili bëri një gafë qesharake.
Me fillimin e pjesës së dytë, Coutinho i cili shënoi një gol spektakolar, pa dyshim më të bukurin e javës në Champions League.
Pas dy ndeshjeve, Barcelona fitoi me rezultatin e përgjithshëm 4-0, ndërsa në gjysmëfinale do të përballet me fituesin e çiftit Liverpool/Porto.
