DETAJET/Pas takimit me ambasadorët, Opozita kërkon mbledhjen e Këshillit Politik: Do të prezantohet…

Ditën e sotme kreu i Partisë Demokratike, Lulzim Basha priti në zyrën e tij në selinë e PD zëvendës ambasadoren amerikane, Leyla Moses Ones, ambasadorin e BE, Luigi Soreca dhe ambasadorin i Britanisë së Madhe, Dunkan Norman.

Pas takimit që zgjati për rreth një orë opozita kërkon thirrjen e mbledhje së Këshillit Politik, ditën e nesërme, në orën 10:00.

Bëhet e ditur se në mbledhje, e cila është vijim i asaj të ditës së hënë, Opozita e Bashkuar do të prezantojë kërkesën për marrjen e ekspertizës së OSBE/ODIHR.

“Me qëllim gjetjen e konsensusit për kërkesën e Opozitës së Bashkuar, për marrjen e ekspertizës së OSBE/ODIHR, për çështjet që nuk biem dakord në Këshillin Politik, siç parashikohet edhe në Marrëveshjen e 14 Janarit”, thuhet ndër të tjera në njoftim.

Njoftimi i plotë:

Të nderuar kolegë,

Në vijim të mbledhjes së ditës së hënë, me qëllim gjetjen e konsensusit për kërkesën e Opozitës së Bashkuar, për marrjen e ekspertizës së OSBE/ODIHR, për çështjet që nuk biem dakord në Këshillin Politik, siç parashikohet edhe në Marrëveshjen e 14 Janarit, kërkojmë:

Thirrjen e mbledhjes së Këshillit Politik nesër, e mërkurë, në orën 10:00.

Në këtë mbledhje Opozita e Bashkuar do të prezantojë kërkesën për marrjen e ekspertizës së OSBE/ODIHR. Përsa më lart, mbetemi në pritje të konfirmimit tuaj për mbledhjen e ditës së nesërme.

Oerd Bylykbashi

Petrit Vasili