Një 50-vjeçar i identifikuar si Ahmet Toska është gjetur i vrarë me armë e zjarri mëngjesin e sotëm në lagjen “Sheq i Madh” në Fier.
Policia njofton se ngjarja ka ndodhur rreth orës 06:00 të mëngjesit të sotëm, ku autori i ngjarjes nuk është identifikuar ende, ndërsa në zonë janë ngritur disa pika kontrolli, për të bërë të mundur kapjen e tij.
Burime bëjnë me dije se Toska ka qenë pa precedentë të mëparshëm dhe njihej prej të gjithëve si një njeri i qetë dhe punëtor. Ai është qëlluar në kokë me pistoletë, teksa kishte dalë nga banesa dhe po ecte pranë një shkolle.
Në momentin kur ka ndodhur ngjarja Toska ka qenë i shoqëruar nga gruaja e tij, të cilën në atë orar e përcillte çdo ditë për në punë.
Burimet bëjnë me dije për Faxweb.al se ajo e ka parë të gjithë skenën, ndërsa në lagje janë dëgjuar ulëriturima. Mësohet se autori e ka qëlluar Toskën nga një distancë mjaft e afërt.
