Ka ndërruar jetë në Turqi aksioneri i Fax News, Kasem Hysenbelliu. Ai ishte i shtruar prej disa ditësh në spital atje për shkak të koronavirusit, por pavarësisht përpjekjeve të mjekëve, nuk ka mundur t’ia dalë.
Lajmin e ka bërë me dije nipi i tij, Fatmir Hysenbelliu përmes një postimi në Facebook. “Zemërthyer nga ky lajm. Gjithmonë do të kujtoj me buzëqeshjen tënde. Prehu në paqe xhaxhi”, shkruan Fatmir Hysenbelliu.
Hysenbelliu ishte aksioner i televizionit Fax News. Më herët ka qenë drejtor i përgjithshëm i News 24, Balkanweb dhe Gazeta shqiptare. Po ashtu, Kasem Hysenbelliu ka drejtuar dhe gazetat Panorama dhe Panorama Sport.
