Kina mbeti një destinacion tërheqës për Investime të Huaja Direkte (IHD) në janar, njoftoi të mërkurën Ministria e Tregtisë.
IHD-të në pjesën kontinentale të Kinës u rritën 4.6 për qind me bazë vjetore në përdorimin aktual në 91.61 miliardë juanë (14.19 miliardë dollarë) në janar, sipas të dhënave.
Investimet e huaja në industrinë e shërbimeve arritën në 68.46 miliardë juanë në janar, një rritje 11% në krahasim me të njëjtën periudhë të një viti më parë, duke zënë 74.7 për qind të IHD-ve të përgjithshme të vendit, njoftoi Ministria kineze e Tregtisë.
Sektorët e tregtisë me shumicë dhe pakicë regjistruan gjithashtu një rritje të IHD-ve prej 27.2 për qind me bazë vjetore gjatë periudhës dhe industritë e akomodimit dhe hotelierisë regjistruan një rritje prej 71.5 për qind.
Ministria tha se do të vijojë zgjerimin e qasjes në treg për investime të huaja, të cilat vazhdojnë të përballen me një gjendje të ndërlikuar dhe serioze këtë vit.
Kina do të zbatojë plotësisht një listë të re negative për investimet e huaja dhe do të heqë më tej masat kufizuese, sipas Ministrisë.
Kina më shumë investime të huaja falë lehtësimit të qasjes në treg
