Partia Demokratike ka vënë ën dukje sot se rrugët dytësore në të gjithë kryeqytetin kanë mbetur në degradim të plotë në tetë vite dhe se pavarësisht nga manipulimet populiste, kryebashkiaku i “20-Përqindshit” nuk mund t’i mbushë ato që shihen e përjetohen tashmë.
Albana Vokshi, ish-deputetja e PD, pas takimit me banorë të rrugës “Reshit Maloku”, tha: “Rrugët dytësore në të gjithë Tiranën janë në degradim të plotë! Tetë vite qeverisje të sektit të ‘Rilindjes’ së fasadave, korrupsionit galopant të PPP-ve, gjashtë vite të propagandës së Erjon 20% Veliaj-t pasqyrohen më qartë se kurrë më parë, veçanërisht tek rrugët.
Dje në rrugën ‘Reshit Maloku’ njësia 9, takova banorë që shprehën indinjatën dhe shqetësimet e tyre për braktisjen totale të zyrtarëve bashkiakë. Asnjë manipulim populist i Erion 20% Veliaj në televizor dhe në rrjetet sociale, nuk mbush gropat e rrugëve të Tiranës.
Në 25 prill, le t’i japim fund qeverisjes së propagandës dhe mashtrimeve të Rilindjes! Qeveria e re e Partia Demokratike e Shqipërisë me Lulzim Bashën kryeministër do të punojë dhe mendojë për çdo qytetar të Republikës së Shqipërisë.”
