Tiranë – Një automjet është përfshirë nga flakët paraditen e sotme në Tiranë. Fatmirësisht nuk raportohet për të lënduar, por vetëm për dëme materiale.
Ngjarja ka ndodhur pranë qendrës tregtare “Kristal”, ndërsa LSA ka publikuar edhe fotot e mjetit të shkrumbuar.
Makina e djegur është një “Benz” me targa AA110GT dhe është në pronësi të shtetases E. G.
“Më datë 02.03.2021, rreth orës 10:50, në rrugën “Merdar Shtylla”, si pasojë e një difekti të batërisë, ka marrë flakë mjeti me drejtuese shtetasen E. G., dhe për pasojë janë dëmtuar pjesërisht dhe 2 mjete të tjera të parkuara.”, njofton policia.
Forcat zjarrfikëse kanë shkuar në vendin e ngjarjes dhe kanë bërë të mundur fikjen e flakëve.
Policia po punon për zbardhjen e rrethanave të ngjarjes./Gazeta SHQIP