Ditën e sotme është rikthyer në ekranin e Top Channel emisioni “E Diell”, i cili u hap me rubrikën “N’trotuar”. Tema e parë që u diskutua nga të ftuarit e shumtë ishte “A duhet të lejohen +40 vjeç në klube nate?”.
Ish-konkurrentja e “Për’puthen”, Antonela Berisha, ishte pro që burrat dhe gratë mbi 40 vjeç të shkojnë në klube nate. Ajo u shpreh se tani në moshën 40-vjeçare njerëzit martohen dhe bëjnë fëmijë.
Më pas, Antonela tregoi edhe se si e fton mamanë e saj, që të dalin bashkë. “Unë kam mamanë 46 vjeçe që është single dhe i them hajde dil me mua. Mami e shijon kur dalim, unë rri në telefon”, tha Berisha.
Ndërsa e pyetur nëse i vjen mirë që ta ngacmojë një 40-vjeçar apo më i madh, ajo u shpreh: “Nuk më vjen mirë me më ngacmuar një fëmijë, se më të mëdhenj nuk bën diferencë”.
