Ajo ka qenë gjithmonë në qendër të vëmendjes së publikut, por pas marrjes pjesë në reality show-n “Big Brother VIP”, Fifi u bë edhe më e komentuar.
Një nga pjesët më të klikuara e të komentuara gjatë qëndrimit të saj në shtëpinë më të famshme në Shqipëri, ka të bëjë me momentin ku këngëtares i bie të fikët gjatë transmetimit të live show.
Menjëherë kjo ngjarje shkaktoi shumë polemika, por ka dhe njerëz që e përdorin për ‘humor’ dhe kjo e ka revoltuar shumë Fifin.
“Nuk ishte tërmet, u rrëzua Fifi”, ka shkruar dikush në rrjetet sociale një ditë më parë. Këngëtarja e dashur për publikun e ka lexuar këtë dhe ka vendosur që të reagojë përmes një postimi në “Instastory”.
“Dhe ja pra miq të dashur kemi edhe kështu lloj njerëzish akoma, ja pra miq të dashur 27 vjet unë i kam kaluar me njerëz të tillë nëpër këmbë, por si puna ime, sa janë? Pastaj mund të thoni që Fifi ka probleme? Ka Fifi apo njerëzit me Fifin? Po si mua sa njerëz të tjerë bullizohen në ditë? Si puna ime sa femra të tjera përqeshen e nëpërkëmben? Sa njerëz të tjerë plasin e munden e ti bëjnë dëm vetes? Marre, marre, marre! Ndërkohë ty dhe shumë të tjerëve jau kam lënë Zotin o njerëz pa njerëzi”, ka shkruar Fifi.
