Trajneri i kuqezinjve, Edi Reja, ka shpallur listën e kombëtares për dy ndeshjet eliminatore të EURO 2020 kundër Islandës dhe Moldavisë.
Pas disa ditëve grumbullimi me lojtarë që janë në planet e teknikut italian, sot ai ka shpallur edhe listën zyrtare, të cilën e ka bërë publike në konferencën për shtyp.
Në përzgjedhjet e teknikut italian nuk mungojnë surprizat, teksa bie në sy grumbullimi i talentit 19-vjeçar, Marash Kumbulla.
Mbrojtësi që aktivizohet në Itali me Veronën, pavarësisht se kohët e fundit ka qenë i dëmtuar dhe nuk ka pasur hapësira, ka arritur të bindë trajnerin për të qenë pjesë e Kombëtares A.
Ndërkohë trajneri Reja ka injoruar 2 futbollistët më në formë të momentit, duke i lënë jashtë liste, bëhet fjalë për Endri Çekiçin dhe Taulant Seferin, të cilët kanë qenë protagonistë absolut kohë e fundit me klubet e tyre.
Më poshtë mund të shihni listën e plotë të kuqezinjve.
