Kosova aplikon për në BE, Bujar Leskaj: Jetësim i ëndrrës dhe dëshirës së popullit të Kosovës, Rugovës dhe UÇK

14 Dhjetori është pa diskutim një ditë shumë e rëndësishme për Kosovën, sepse aspiratat e tyre për liri, paqe, barazi, drejtësi orientimin europian dhe euroatlantik, dhe të ardhmen e Kosovës brenda familjes së BE-së përbëjnë hapin e parë drejt anëtarësimit në BE.

Nënshkrimi i aplikimit për anëtarësim në BE është një hap vendimtar drejt jetësimit të ëndrrës dhe të dëshirës së patjetësueshme të popullit të Kosovës; një dëshirë e ëndërr e kahhershme e Presidentit Historik, Ibrahim Rugova, një aspiratë e UÇK-së; një dëshirë dhe ëndërr e të gjithë qytetarëve të Kosovës; të gjithë atyre që sakrifikuan jetën dhe provuan gjenocidin serb.

Sot, është dita që të gjithë të urojmë Kosovën në këtë moment historik, sepse është një moment, i cili synon hapjen e një kapitulli të ri, jo vetëm për Kosovën, por edhe për ne.