Një konflikt mes tre personave ka përfunduar me dy të plagosur në lagjen “Mark Lula” në Shkodër.
Policia bën me dije se si pasojë e konflikti për motive të dobëta, kanë mbetur të plagosur babë e bir, të cilët janë dërguar në spital dhe ndodhen jashtë rrezikut për jetën.
Pas ngjarjes, autoritetet kanë kapur dhe kanë vënë në pranga autorin e dyshuar.
Njoftimi i policisë:
Shkodër/Informacion paraprak
Rreth orës 20:40, në lagjen “Mark Lula”, Shkodër, gjatë një konflikti për motive të dobëta janë dëmtuar me mjet prerës (thikë), shtetasit Sh. L., 52 vjeç dhe E. L., 19 vjeç (babë e bir), të cilët u dërguan në spital dhe janë jashtë rrezikut për jetën.
Falë reagimit në kohë të shërbimeve të Policisë është bërë i mundur identifikimi, kapja dhe shoqërimi në ambientet e Komisariatit të Policisë Shkodër, i autorit të dyshuar, shtetasit A. M., 26 vjeç, banues në Shkodër.
Gjithashtu, shërbimet e Policisë kanë sekuestruar mjetin prerës (thikë) që dyshohet se është përdorur nga ky shtetas, gjatë konfliktit.
Grupi hetimor, në drejtimin e Prokurorisë, vijon punën për sqarimin e plotë të rrethanave dhe dokumentimin ligjor të rastit.
