“Rrugët e drogës kalojnë nga Shqipëria”. Kështu shkruan gjiganti italian “Rai3”, teksa flet për trafikun e drogës nga Shqipëria drejt Italisë dhe vendeve të tjera të Bashkimit Evropian, por edhe drejt vendeve të Amerikës Latine.
Në videon e përgatitur nga media italiane, flitet për sasinë e madhe të kokainës, prej 617 kg, që u kap në Brazil, dhe që mbante logon e klubit sportiv të Elbasanit, duke e cilësuar kështu Shqipërinë vendin qendror të trafikut të lëndëve narkotike.
Në materialin e përgatitur nga prestigjiozja italiane flitet dhe për bandën kriminale të trafikut të drogës, të shkatërruar sot nga autoritetet fqinje, ku u sekuestruan 157 kg kokainë dhe kanabis, që sipas tyre, vinte nga Shqipëria, Spanja dhe Holanda. Nga super-aksioni policor ranë në pranga 32 persona, ndërsa raportohet se lënda narkotike do të kapte vlerën e 6 milionë eurove, nëse do të dilte në treg.
