Ish-ministri i Financave, Arben Malaj, jep alarmin për borxhet e papaguara për sigurimet shoqërore.
I ftuar në emisionin 360 Gradë të Artur Zhejit në RTV Ora, Malaj tha se vetëm për pensionet mungojnë 520 milion dollarë, teksa shtoi se rritja e defiçitit i kalon si barrë brezit të ri.
Malaj: Ne harxhojmë për sigurimet shoqërore dhe shëndetësore dhe kompensimin e ish-pronarëve rreth 1.8 miliardë dollarë në vit, por mbledhim vetëm 910 milionë. Gropa e fondit është 810 milion dollarë. Skemat janë defiçitare, por thellimi i defiçitit është barrë e rëndë që duhet menaxhuar. Vetëm për pensionet skema është e mangut 520 milionë dollarë kur shqiptarët me taksat e tyre investojnë në ekonomi 560 milionë dollarë. Aq sa taksapaguesit financojnë ekonominë në investime aq është dhe gropa. Skemat kudo në botë janë me defiçit, por rritja e defiçitit ja kalon barrën fëmijëve.
