Dhoma e Avokatisë ka reaguar në lidhje me vrasjen e avokatit Ravik Gurra. Përmes një deklarate për mediat, Dhoma e Avokatisë shprehet se do të ndërpresë shërbimet për tri ditë, nga e mërkura deri të premten.
“Vrasja e avokatit Ravik Gurra ka tronditur opinionin publik mbarëshqiptar. Për 3 ditë do të ndërpresim dhënien e shërbimeve. Nuk do të ketë shërbime nga e mërkura deri të premten. Vendimi nuk është i vlefshëm vetëm për seancat ku jepen masat e sigurisë. Për avokatët që do të thyejnë këtë urdhër, do të ketë masa disiplinore”, thuhet në deklaratën e Dhomës së Avokatisë.
