Julian Deda ironizon ‘Portokallinë’. Ja çfarë thotë…

Që në momentin kur në Klan filloi transmetimi i “Klanifornia”, versioni kabare i spektaklit të humorit “Duplex”, nisi dhe krahasimi i këtij programi me “Portokallinë”, për shkak të ngjashmërisë në format, por edhe për faktin që disa prej aktorëve në fakt fillimet e tyre i kanë pasur në Top Channel. Ndërkohë, me rregullat e reja e të bërit televizion në kohë pandemie, “Portokalli” vendosi që ta ndërpresë sezonin derisa gjëndja të normalizohet, për shkak se në këto kushtë nuk mund të dhuronte të njejtin kualitet për publikun, por ”Klanifornia” ka vendosur të vazhdojë. Në lidhje me këtë fakt Jul Deda krenohet dhe e ka bërë të ditur me anë të këtij postimi në Instagram, ku thekson se “Klanifornia” është i vetmi emision humori që i mbijetoi pandemisë, gjë që tek ndjekësit e tij mesa duket është dhe një formë ironie kundrejt “Portokallisë”.