Ambasadorja amerikane Yuri Kim ka shkuar në zyrën e Gramoz Ruçit, Kryetarit të Kuvendit, paraditen e sotme.
Zyrtarisht nuk është njoftuar cili është qëllimi i takimit në Kryesinë e Kuvendit, por ai po ndodh kur po afrohet dita për votimin e draftit të Reformës Zgjedhore në Kuvend. Palët në Këshillin Politik kanë rënë dakord për draftin, por pritet nëse ai do të miratohet nga Kuvendi.
Ambasadorja Kim ka qënë maksimalisht e angazhuar në përfundimin e Reformës Zgjedhore, duke i pritur palët edhe në takime të veçanta për të zgjidhur një ngërç që u krijua disa javë më parë.
