Ylli Manjani i drejtohet Lefter Kokës: Mos u bëj tub oksigjeni…

Ylli Manjani dhe Lefter Koka kanë qenë ndër eksponentët kryesorë të LSI-së. Koka u distancua nga qëndrimi politik i partisë së drejtuar nga Monika Kryemadhi duke u shprehur kundër djegies së mandatit. Pas këtij vendimi të ish-kolegut të tij në qeverinë e Edi Ramës, Manjani i është drejtuar me një mesazh publik.

“Lefterit…
Lefter Koka është një shok i mirë dhe kontribues politik që nga themelimi në LSI. Sinqerisht ende nuk e mendoj që LSI mund ta humbasë këtë kontribues. Qëndrimi i tij personal, sigurisht është i papranueshëm dhe nuk mund të zhbëjë dot vendimin politik të Opozitës përfshi këtu edhe LSI. Ndoshta mungesa e komunikimit normal të LSI me Lefterin mund të ketë vështirësuar disi kuptueshmërinë e qëllimit të mirë të vendimit politik, për të mos qenë as fasadë dhe as tubi i oksigjenit të sundimtarëve të sotëm arrogantë. Asnjëherë nuk është vonë për t’u ngritur mbi qëndrimet personale. Lefteri ka ditur të dalë mbi interesat personale. Shpresoj të vijojë ta bëjë…” – shkruan Manjani në Facebook.