Nga Argjira Ukimeri
Në një kuptim tradicional, një bibliotekë është një koleksion i madh I librave, dhe mund t’i referohemi si vendi në të cilin behet mbledhja e tyre. Ato janë të parapara për zhvillimin mendor, për qëllime kërkimore dhe studimore si dhe për mbajtjen e librave për të ardhmen (arkivimi i librave). Sot, me zhvillimin e teknologjisë, dhe përmes organizatave të ndryshme është arritur që në shumicën e vendeve në zhvillim termi mund t’i referohet mbledhjes, duke përfshirë edhe burimet dixhitale. E gjithe kjo ka per qëllim lehtësimin dhe marrjen e informacioneve të ndryshme, përkitazi me atë se çfarë kërkojmë ne me lehte dhe me shpejte. Por si kane evoluar keto institucione në të cilën rregullisht bëhet ruajtja dhe mbledhja e librave dhe kush kane qene Bibliotekat e para; Me poshte gjeni nje liste te tyre nga lashtesia ne ditet tona.
Ramsesit të II – Biblioteka më e vjetër në botë është ajo e Ramsesit të II (1292-1225) para erës sonë në Tebë. Ky vend njihet si “Lugina e Mbretërve”, ku janë varrosur faraonët më me ndikim në atë kohë. Në këtë bibliotekë janë ruajtur disa shkrime ku tregohen histori nga fusha të ndryshme, sidomos për religjionin dhe ndërtimin e tempullit Ambus-Simbel që është kryevepra arkitektonike botërore.
Biblioteka e Aleksandrisë – E cila u themelua në shekullin e IV para erës së re (në vitin 331). Mendohet që kjo Bibliotekë ka pasur 700.000 pergamene apo fletore. Më vonë, u dogj nga Patriarku i Aleksandrisë Teofili.
Biblioteka e Pergamos – ndodhet ne kryeqytetin ne provincen e Azisë e përmendur në ‘Zbulesë’ si një nga shtatë kishat e Azisë, u themelua në shekullin e tretë para erës së re, dhe mbante në vete rreth 200 mijë fletore.
Biblioteka e Kongresit në Uashington – eshte më e madhia në botë dhe mban 107 milionë vëllime të të gjitha arteve. Është ndërtuar në vitin 1800. Kjo biblioteke eshtë përgatitur për epokën dixhitale që në vitet ’60.
Biblioteka e Harvardit – u themelua në vitin 1638, e cila në vete numëron më shumë se 15 milionë vëllime.
Biblioteka e Bostonit – u themelua edhe e themeluar në vitin 1848, më me shumë se 14 milionë libra.
Biblioteka e Britanisë së Madhe – e themeluar në vitin 1753 dhe gjithsej 25 milion libra.
Biblioteka Kombëtare e Kinës – u themelua ne 1909, dhe vizitohet nga mbi 6 mijë njerëz në ditë dhe ka 22 milionë libra.
Biblioteka Kombëtare në Gjermani, – ka mbi 18.8 milionë libra dhe 4 milionë botime të llojeve të tjera.
Biblioteka Kombëtare në Kanada – e themeluar në vitin 1953 eshte nje Biblioteke Akademike. Ka mbi 18 milionë libra, 1100 të punësuar që ruajnë dhe kujdesen për Bibliotekën dhe Arkivat.
Biblioteka Kombëtare e Rusisë – uthemelua në vitin 1862 dhe ka mbi 17 milionë libra, 13 milionë gazeta, revista, harta etj.
Biblioteka Kombëtare ne France – u themelua në Paris në shekullin e XVI, ku ka më shumë se 12 milionë libra periodikë dhe revista.
Biblioteka e Ukrainës – ka mbi 10 milionë libra, ku çdo ditë rreth 2 mijë studentë, shkencëtarë dhe njerëz të ndryshëm e vizitojnë atë.
Në trojet shqiptare, Biblioteka e parë u hap në Shkodër. Pastaj në vitin 1920 u vendos në Tiranë, ku në të gjenden mbi 1 milion vëllime (libra, artikuj akademikë, gazeta, revista, harta, atlase)
Në Kosovë, Biblioteka Kombëtare u themelua në vitin 1944 dhe permban gjithsej 2 milionë tituj dhe 87 mijë artikuj të ndryshëm.
